???????

‎Waye Ya Halicci Ubangiji?

‎

‎Wannan boyayyen Sirri ne Da Ke boye a Bayan Causality (Sanadi)

‎

‎Kada ka taba yarda hankalinka ya rude lokacin da aka yi maka tambayar "Waye ya halicci Allah?" domin wannan tambayar tana daya daga cikin abubuwan da suke jarraba zurfin ilimin mutum da imaninsa.

‎

‎Zan koya maka ilimin kimiya na metaphysics a nan, don haka ka saurare ni da kyau.

‎

‎Babbar matsalar ita ce, dan adam ya saba da tunani a jere (linear thinking). Muna kallon cewa idan "A" ya samar da "B", to lallai shima "A" din akwai abin da ya samar da shi. Amma wannan tunanin yana da wani babban tarko da muke kira Infinite Regress.

‎

‎Idan kace kowanne mahalicci yana da wani mahaliccin, to wannan sarka ba za ta taba karewa ba, kuma hakan yana nufin wannan duniya ma ba za ta taba samuwa ba.

‎

‎Aristotle, daya daga cikin manyan masana, ya bayyana wannan sirrin tun shekaru dubu biyu da suka gabata. Domin komai ya kasance a duniyar zahiri, dole ne a sami abin da ake kira Unmoved Mover (Wanda ya motsa komai amma shi ba a motsa shi ba).

‎

‎A nan, Allah ba wai kawai surar addini ba ne; Shi ne First Cause (Sila na Farko) wanda yake rayuwa a wajen lokaci da kuma dokokin sanadi.

‎

‎Yanzu yi tunanin wannan: Lokacin da kake tambayar "Waye ya halicce shi?", kana kokarin amfani da dokokin "sanadi ne da sakamako" (cause and effect) ne, wadanda aka halicce su domin sarrafa halittu, kana son ka dora su akan Asalin Rayuwar da ita kanta ta samar da sanadin.

‎

‎Wannan yana kama da ka tsaya a tsakiyar North Pole (Gundarin Arewa) sannan ka tambaya cewa "Ina ne arewa daga nan?" A wannan gaba, babu wata alkibla da ake kira arewa, domin ka riga ka kai karshen inda arewar take.

‎

‎Don haka, ba wai Allah ne ke bukatar mahalicci ba; matsalar ita ce kwakwalwar dan adam, da iyakacinta, tana shan wahala wajen fahimtar abin da ake nufi da "Babu mafari, babu karshe." Abin da kake gani a matsayin sarkakiya (paradox), asali shi ne iyakar fahimtarka.

‎

‎A wannan shafi, zan bayyana muku boyayyen ilimi wanda aka boye wa dan adam. Kada ka taba mantawa babban arzikin da za ka mallaka shi ne ilimi, rike wannan.

‎

‎Peace and Blessings.